Elbasani dhe Pogradeci u përballën ditën e djeshme në një sfidë miqësore, e cila nuk mund të cilësohej më e tillë pas përfundimit të saj. Pas vërshëllimës së fundit të arbitrit, Suleiman Danladi, lojtari i liqenorëve, u përlesh fizikisht me ekipin kundërshtar dhe tifozët që u futën brenda në fushë.
“Po luanin futboll, gabimisht dora ime goditi kapitentin e kundërshtarëve në fytyrë. Sapo doja t’i kërkoja falje, të gjithë mu vërulën dhe gjyqtari më ndëshkoi me karton të verdhë për faullin.
Më pas ndeshja nisi sërish, kundërshtarët më godisnin me shkelma pa e pasur topin në këmbë. Në përfundimin e ndeshjes të gjithë erdhën tek unë, nuk u bëra asgjë. Ndoshta u zemëruan sepse takimi përfundoi 2-2. Të gjithë erdhën të më sulmonin, çfarë turpi”, u shpreh mesfushori i Pogradecit.
