Skuadra e Pogradecit ka triumfuar me rezultatin 2-1 ndaj Skënderbeut në derbin miqësor të juglindjes, në një përballje që u vendos vetëm në minutat shtesë.
Takimi, i zhvilluar në kuadër të përgatitjeve për vazhdimin e kampionatit gjatë pushimit të Kombëtares, u mbyll pa gola në pjesën e parë.
Në minutën e 61-të, Frimpong kaloi liqenorët në avantazh pas një aksioni të bukur, ndërsa Skënderbeu reagoi pak minuta më vonë, duke barazuar shifrat me anë të Grazhdanit pas një goditjeje nga këndi.
Kur gjithçka po shkonte drejt barazimit, Frimpong shënoi golin e dytë personal në minutat shtesë, duke vulosur fitoren 2-1 të Pogradecit.
Kjo miqësore u shërben të dyja skuadrave për të mbajtur ritmin e garës dhe për të vlerësuar gjendjen e futbollistëve përpara rikthimit në ndeshjet zyrtare.
