Skënderbeu ka prezantuar uniformat e reja zyrtare për sezonin e ri, në të cilin skuadra korçare rikthehet në Kategorinë Superiore.
Fanellat ruajnë ngjyrat tradicionale kuqebardhë të klubit, por vijnë me një dizajn të ri, ndryshe nga sezoni i kaluar.
Ceremonia e prezantimit u zhvillua mbrëmjen e kaluar në pistën e stadiumit, në praninë e drejtuesve të klubit, sponsorëve dhe mbështetësve të Skënderbeut.
Uniformën e re e prezantoi zyrtarisht këngëtari korçar Klajdi Haruni, i cili ka shprehur edhe lidhjen e tij të hershme me skuadrën e qytetit.
Sponsor zyrtar i skuadrës këtë sezon do të jetë një prej bankave që operojnë në qytetin e Korçës, ndërsa në ceremoninë e prezantimit morën pjesë edhe sponsorë të tjerë që mbështesin klubin.
Skënderbeu do të ketë edhe këtë sezon dy uniforma zyrtare, ndërsa e para do të jetë ajo tradicionale bardhekuqe.
Me fanellat e reja dhe me ambicie të mëdha, Skënderbeu përgatitet për rikthimin në elitën e futbollit shqiptar.
