Darda Dhimo ndërroi jetë në “lule të rinisë”. Vetëm 18 vjeç.
Leuçemia akute rezultoi fatale për të. Por ajo çka i bëri përshtypje gjithë Korçës e Shqipërisë ishte forca e kësaj vajze të re për të përballuar gjithçka e për t’i thënë familjes së saj; “Mos qani, buzëqeshni, mos u vishni me të zeza në varrimin tim, predikoni Fjalën e Zotit, merrni kitarën e adhuroni, nga Zoti erdhëm e tek Zoti do ikim”
Nuk e di kush do mund t’i thoshte këto fjalë teksa e dinte që ishin ditët e saj të fundit të jetës, por Darda i tha. I tha dhe çuditi me thjeshtësinë e saj. Me dashurinë për jetën. Me buzëqeshjen e sinqertë. Ajo dha mesazhin e thjeshtë, SHIJONI JETËN ME BUKURINË E SAJ.
Darda Dhimo nuk ndërroi jetë, ajo ndërtoi me dhjetra jetë adoleshentësh dhe familjesh korçare, duke u treguar një shembull sesi të jetojnë sikur janë në ditët e fundit të jetës, ashtu, thjesht me dashuri për veten, familjen e Zotin!
Pasi koha ka kaluar por jo kujtimi për të, sot nderojmë Dardën dhe përulemi para shpirtit të saj fisnik
