E kthyer në traditë tanimë, Autonom Fest ka ngjitur në skenë grupet folklorike të Korçës, Kolonjës, Pogradecit, Maliqit, Devollit dhe Pustecit
Këngëtarë dhe instrumentistë që përpiqen ende të mbajnë gjallë këngën popullore dhe qytetare te trevave të juglindjes tregojnë se interesi i të rinjve për ta trashëguar është i madh
“Unë kam 40 vite që luaj në klarinete, pjesë e jetës sime dhe e vazhdova pa ndërprerje. Ja kam lënë të dy djemve, kanë mbaruar shkollën e muzikës, jam shumë krenar”
“51 vite në klarinete. Unë jam rritur me muzikë, klarinete pak më pak se kam qenë me fizarmonike. Kjo tregon identitetin tonë, rrënjët, unë vazhdimisht bëj thirrje që të rinjtë ta ruajnë. Shumica po”
“kam për më shumë se 15 vite që jam pjesë e ansamblit Skënderbeu. Jam 24 vjeç. Gjatë karnavaleve të Korçës i pashë, u futa e nuk u ndala. Kërcej vallen shqiptare popullore Juglindore. Nuk ka shumë të rinj në fakt por ata që janë nuk ja ndarë, jemi të vjetër edhe pse shumë të rinj ”
Por në qoftë se nëpër qytete ka kurse muzike, vallesh dhe mundësitë për ta trashëguar tek brezi i ri është i madh, nëpër fshatra ka një realitet tjetër
” Unë jam Hekuran Hoxha, jemi grupi i Devollit. Unë këndoj që 15 vjeç. Sot jam 68 vjeç. Iku, nuk ka më. Në fshat tonë vetëm ne të dy këndojmë, mbaruan këto këngë. Me parë këndonin të gjithë. Nuk kanë interes fare”
Autonom Fest vjen si një dëshirë për të mbajtur gjallë kulturën, traditën, veshjet popullore, muzikën tradicionale dhe motivet qytetare ndërsa fokusi i institucioneve drejt artit vjen duke u rritur
