Fotografi i njohur Roland Tasho ka sjellë ekspozitën “Aromë Hungarie”, ku nëpërmjet lentes së aparatit nuk sjell vetëm bukuritë e Budapestit por edhe bashkëjetesën midis dy kombeve, diplomatët hungarez të veshur me kostumet tradicionale shumëngjyrëshe shqiptare dhe shqiptarët e thjeshtë që jetojnë në Hungari
“ekspozita ka 40 fotografi, ka një pjesë të bukurive të Budapestit, një pjesë të diplomatëve hungareze të veshur me kostumet shqiptare dhe një pjesë e shqiptarëve që punojnë në Budapest. Ura e Luanit aty është e financuar nga një korçar. Ka shumë lidhje, unë jam dekoruar nga presidenti i Hungarisë me kontributin e 15 ekspozitave për Shqipërinë e Budapestin”
Ambassadorja e Hungarisë në Shqipëri e ka cilësuar Tashon si një ambasador të shkëlqyer artistik, që di të përcjellë më së miri marrëdhënien e mirë midis dy popujve
“Roland Tasho është mik i Hungarisë, është hera e dytë që bëhet një ekspozitë e tillë, e para është mbajtur në pallatin mbreteror në Hungari, ka fotografi të mrekullueshme, tregon marrëdhënien e shkëlqyer midis dy popujve. Fotografi ka shpjeguar si hungarezët jetojnë në Shqipëri dhe shqiptarët në Hungari dhe ka krijuar urat e kuptimit midis dy popujve. Ai është ambasador artistik, ka plot shqiptare që u nderojnë në Hungari ”
Kjo ekspozitë do të udhëtojë nëpër qytete të ndryshme të Shqipërisë ndërsa fotografi Roland Tasho është vlerësuar me çmime të ndryshme në vendin mik
