Korçë – Është çelur në Korçë edicioni i 13-të i KOKOFEST, Festivalit Ndërkombëtar të Komedisë, i cili do të zhvillohet deri më 6 shtator.
Për disa ditë, qyteti do të kthehet në një skenë të madhe të teatrit dhe humorit, me pjesëmarrjen e trupave dhe artistëve nga Shqipëria dhe rajoni.
Festivali u hap me muzikalin “Katedralja”, me regji të Xhuljano Briskut, shfaqje e cila u prit me interes nga artdashësit korçarë.
Regjisori Brisku e cilësoi këtë një sfidë të rëndësishme, duke vlerësuar pritjen e publikut dhe mbështetjen e ekipit gjatë punës për shfaqjen.
Sipas drejtoreshës së Teatrit “Andon Zako Çajupi”, Zamir Kita, ky edicion sjell risi, veçanërisht përfshirjen e të rinjve dhe studentëve të artit dramatik.
Edhe aktorët Alfred Trebicka dhe Jorgaq Tushe e vlerësuan KOKOFEST si një aktivitet tashmë me rëndësi kombëtare, që krijon mundësi për aktorët dhe regjisorët, ndërsa për publikun sjell emocione dhe humor.
Në natën e dytë, në skenën e Teatrit të Korçës ngjitet Teatri “Petro Marko” i Vlorës me shfaqjen “Plaçka”, të dramaturgut Joe Orton.
KOKOFEST do të vijojë deri më 6 shtator, me një program të pasur me shfaqje, artistë dhe trupa teatrore.
