Vitet e fundit të apasionuarit pas motorrave janë shtuar mjaftueshëm, aq sa tashmë janë kthyer në promotorë të qyteteve dhe turizmit. Megjithatë në radhët e tyre ka njerëz të cilët kanë një jetë që jetojnë me motorrat. Një personazh i veçantë është Lili i Pogradecit, të gjithë në qytet e njohin dhe thërrasin me llagapin “Lili gojka”.
Lili ka një jetë mbi motorr, ta quash të çmendur pas këtij mjeti është pak, nuk ka orë të ditës që të mos e gjesh me motorrin e tij Harley Davidson duke lëvizur nëpër rrugët e Pogradecit.
Lili sot është një personazh babaxhan dhe i gjendur për gjithçka, përtej imazhit të egër që ka si motorrist, nëse e njeh nga afër do takosh një njeri të butë, të sinqertë dhe ndihmues.
Falë Lilit në Pogradec dashuria për motorrat është shtuar ndër vite, ka me dhjetra motorristë të cilët një motorr e kanë blerë falë “reklamës” së Lilit.
Vitet e fundit edhe Pogradeci ka grupin e vet të motorristëve, pasi pas Lilit një tjetër i çmendur pas motorrit është edhe Dritan Hoxha, të cilët tashmë janë bashkë në MC Pogradeci.
photocredit Rolad Beqiraj
