Në zemër të Voskopojës, një prej qendrave më të rëndësishme historike, kulturore dhe turistike të Shqipërisë, zhvilluam sot mbledhjen e Komitetit Rajonal për Zhvillimin e Turizmit për sezonin veror 2026, me pjesëmarrjen e Zv.Ministrit të Punëve të Brendshme, z. Xhemal Qefalia.
Qarku Korçë po konsolidohet çdo vit e më shumë si një destinacion turistik cilësor dhe gjithëvjetor, falë potencialit të jashtëzakonshëm natyror e kulturor, por edhe falë bashkëpunimit institucional për rritjen e standardeve, sigurisë dhe cilësisë së shërbimeve.
Gjatë takimit u diskutuan masat konkrete për mbarëvajtjen e sezonit turistik veror, bazuar në Strategjinë Kombëtare të Turizmit 2025–2030 dhe planin ndërinstitucional të koordinuar nga Prefektura e Qarkut Korçë, me fokus:
▪️ sigurinë publike dhe turistike,
▪️ menaxhimin e flukseve turistike,
▪️ mbrojtjen e mjedisit dhe hapësirave publike,
▪️ standardet e shërbimeve,
▪️ promovimin e trashëgimisë kulturore dhe natyrore,
▪️ si dhe zhvillimin e një turizmi të qëndrueshëm.
Shifrat në rritje të turistëve dhe interesit për Qarkun Korçë tregojnë se rajoni ynë po fiton gjithnjë e më shumë vëmendje në hartën turistike shqiptare dhe ndërkombëtare.
Në përfundim të komitetit vizituam tre monumente të rëndësishme të trashëgimisë sonë kulturore e fetare, të restauruara së fundmi.
Korça ka potencialin të jetë një model i turizmit të qëndrueshëm, autentik dhe europian, dhe ky mbetet një prioritet i përbashkët institucional!
