Korçë – Skënderbeu vijon të jetë me merkaton e bllokuar nga FIFA, për shkak të detyrimeve të pashlyera në kohë ndaj klubeve të tjera, në kuadër të kuotës së solidaritetit për formimin e futbollistëve.
Sipas të dhënave të publikuara nga Panorama Sport, gjatë dy viteve të fundit janë evidentuar të paktën 9 raste, me detyrime që variojnë nga rreth 9 mijë euro deri në mbi 50 mijë euro. Mes shifrave të bëra publike janë 32 mijë euro për Taren, ndërsa detyrimet për Nërgutin dhe Bismark kalojnë 50 mijë euro.
Në total, mospagesat arrijnë në mbi 228 mijë euro, pa përfshirë një detyrim të Uçes, i cili është shlyer. Përveç shumave të prapambetura, klubi është gjobitur me 5 mijë dollarë dhe duhet të përballojë edhe kamatëvonesë prej 2.5%.
Pa u shlyer detyrimet, Skënderbeu nuk mund të regjistrojë lojtarët e rinj të afruar në merkato.
Ndërkohë, klubi korçar ka reaguar duke deklaruar se çështja është në proces verifikimi pranë FIFA-s dhe se është dorëzuar dokumentacioni përkatës.
