Panajot dhe Boni Hamzallari janë dy vëllezërit e rinj korçare të cilët po spikasin me talentin e tyre në fushën e muzikës
Të dy luajnë në kitarë dhe këndojnë, ndërsa gjatë këtyre ditëve të festave kanë qenë disa herë në skenën e Pazarit të Vjetër të Korçës për të kënaqur vizitorët e shumtë që kishin zgjedhur Korçën
Ata tregojnë se kanë kohë që këndojnë edhe pse veten e shohin jashtë Korçës, për shkak të mundësive të pakta
“Ne kemi rreth 10 viteve që këndojmë dhe merremi me muzikën live, këngët kryesore janë serenatat korçare sepse janë brumi ku jemi rritur, me ato jemi mësuar sepse është muzika e shpirtit tonë. Ne studiojmë dhe rrymën rock, luajmë dhe rock. Të ardhmen Jo, një pasion i joni, është çështja e mbështetjes, nuk kemi mbështetje për krijimet tona, ka mungesë mbështetje. ”
” Unë jam 22 vjeç dhe fillimet time kanë qenë në moshën 8 vjeçare. Unë luaj në disa instrumentista, luaj në kitarë, jam bassist, vokalist ne bandën time. Nuk mendoj se arti dhe zhanri im mbështetet në këtë vend për shkak se mbështeten antivlerat. Ne kemi disa këngë që do i lancojme për të kënaqur shpirtin tonë e disa njerëz me kokrra që e pëlqejnë këtë muzikë. Shumë pak janë ”
Jane të shumtë të rinjtë si dy vëllezërit Hamzallari, të cilët kërkojnë mbështetjen e institucioneve për promovimin e tyre artistik në juglindje të vendit
