Edhe pse me mungesa të rëndësishme sidomos në mbrojtje, Skënderbeu nuk ndalet më dhe ka mposhtur edhe Laçin, 1-0.
Një ndeshje si finale ajo e luajtur në Korçë, pasi bardhekuqtë e Ernest Gjokës përballeshin me rivalin më të rrezikshëm në garën për kreun e Kategorisë së Parë.
Gjoka peshkoi xholin në pjesën e dytë, sepse aktivizoi sulmuesin Renato Gjini me minutën 74 dhe 4 minuta më vonë pikërisht afrimi veror vendosi fatet e takimit, duke devijuar në mënyrë perfekte një pasim nga e djathta. Me këtë fitore Skënderbeu shkon në kuotën e 13 pikëve në 5 ndeshje, 4 pikë mbi Laçin e vendit të dytë.
