Pogradeci bëhet sërish kryeqendra e artit dhe shijes ballkanike!
Nga data 16 deri më 20 shtator 2025, qyteti liqenor mirëpret edicionin e 15-të të Balkan Film & Food Festival, një ngjarje unike që bashkon kinemanë e rajonit me traditat kulinare. Për pesë ditë me radhë, Pogradeci do të pulsojë nga premiera filmash, degustime ushqimesh tradicionale dhe aktivitete kulturore që sjellin pranë njëri-tjetrit artistë, regjisorë, producentë e dashamirës të kinemasë dhe gastronomisë nga gjithë Ballkani.
#BalkanFilm&FoodFestival, që do të zhvillohet nga 16 deri më 20 Shtator 2025, në qytetin magjepsës buzë liqenit të Pogradecit, Shqipëri.
Më shumë se 50 filma—përfshirë filma të shkurtër, dokumentarë, animacione dhe filma me metrazh të gjatë—do të shfaqen, duke festuar krijimtarinë e kineastëve nga i gjithë Ballkani: #Turqia, #Rumania, #Shqipëria, #Kosova, #Serbia, #Bosnja&Hercegovina, #Bullgaria, #Kroacia, #MaqedoniaeVeriut, #Sllovenia, #Greqia dhe #MaliZi.
Gjatë pesë ditëve , publiku do të ketë mundësi të shijojë shfaqje falas në dy ambiente. Programet e ditës fillojnë në orën 11:00 në Kinemanë e Pogradecit, ndërsa shfaqjet e mbrëmjes fillojnë në orën 19:00.
Për më tepër, çdo natë në orën 21:00, Festivali do të prezantojë klasikët e restauruar digjitalisht të kinemasë shqiptare, qe do te shfaqen në sheshin kryesor pranë Qendrës Multifunksionale të Pogradecit, vetëm disa hapa larg Liqenit të Ohrit—një atmosferë ku filmi, kultura dhe natyra bashkohen.
Përtej ekranit, të ftuarit janë të mirëpritur të zbulojnë shijet e Ballkanit—kuzhinë tradicionale, specialitete rajonale, raki dhe verë—duke eksploruar trashëgiminë natyrore dhe kulturore në Tushemisht, Lin, kodrat e Kabashit, ose thjesht duke shijuar një shëtitje me varkë apo një not në liqen.
Bashkohuni me ne në këtë Edicion të 15-të festiv të #BalkanFilmFoodFestival në Pogradec!
Edicioni i 15 i Festivalit mundesohet fale mbeshtetjes te cmuar te Bashkia Pogradec (Faqe Zyrtare), Qendra Kombëtare e Kinematografisë, Fondi Shqiptar i Zhvillimit, Arkivi Qendror Shteteror i Filmit Qendra Multifunksionale Pogradec
Udhetimi yne ballkanik vazhdon..
