Ndryshime në drejtimin e Myftinisë së Korçës. Pas rreth 10 vitesh shërbim në Korçë, Ledian Cikalleshi largohet nga kjo myftini dhe transferohet në Myftininë e Vorës në Tiranë.
Cikalleshi mbërriti në Korçë në vitin 2016 dhe gjatë viteve të shërbimit u angazhua në aktivitete të ndryshme të komunitetit, duke u bërë i njohur edhe për bashkëpunimin ndërfetar dhe marrëdhëniet me komunitetet e tjera fetare në qytet.
Në vend të tij, në drejtimin e Myftinisë së Korçës është emëruar Erjol Haxhiu, i cili më herët ka mbajtur detyrën e zëvendësmyftiut të Tiranës.
Haxhiu është anëtar i Kryesisë së Komunitetit Mysliman të Shqipërisë, drejtor i Thirrjes Islame, si dhe me parë imam në Xhaminë e Kokonozit në Tiranë.
