Një 31-vjeçar ka rënë në prangat e Policisë së Korçës, ndërsa kushëriri i tij 28-vjeçar është proceduar në gjendje të lirë, pas zbulimit të lëndëve narkotike gjatë një operacioni të zhvilluar nga uniformat blu.
Sipas informacioneve paraprake, efektivët e policisë kanë ushtruar kontroll në automjetin ku udhëtonin dy të rinjtë dhe kanë konstatuar një sasi lënde narkotike të dyshuar kokainë dhe kanabis sativa.
Pas kontrollit në automjet, policia ka vijuar verifikimet edhe në banesën e 31-vjeçarit, drejtues i mjetit dhe pronar i tij, ku është gjetur një tjetër sasi lënde narkotike kanabis sativa.
Në përfundim të veprimeve procedurale, 31-vjeçari u arrestua në flagrancë për veprat penale që lidhen me narkotikët, ndërsa 28-vjeçari u procedua në gjendje të lirë, pasi gjatë kontrollit në banesën e tij u gjet një sasi e vogël lënde narkotike.
Grupi hetimor po vijon veprimet për dokumentimin e plotë të rastit dhe sqarimin e rrethanave të ngjarjes.
