Klubi i Volejbollit të Femrave Pogradec ka zyrtarizuar vazhdimin e bashkëpunimit me volejbollisten korçare Emanuela Ramo. Marrëveshja e re mes palëve është firmosur për dy sezone sportive, 2026-2027 dhe 2027-2028.
Për Ramon, ky do të jetë sezoni i tretë me skuadrën liqenore, pas një edicioni mjaft të suksesshëm, ku ajo kontribuoi në fitimin e tre trofeve nga Pogradeci.
Rinovimi me Ramon vjen në vijim të lëvizjeve të para të klubit për sezonin e ri. Më herët, drejtuesit e Pogradecit kanë konfirmuar vazhdimin e bashkëpunimit me trajnerin Lisha, ndihmësin e tij Dragoj, si dhe me volejbollisten Kodra.
Me këto rinovime, drejtuesit e klubit synojnë të ruajnë bazën e ekipit që dominoi sezonin e kaluar dhe të vijojnë të jenë pretendentë për trofetë edhe në edicionet e ardhshme.
