Policia e Korçës ka kryer disa arrestime të rëndësishme gjatë 24 orëve të fundit, në kuadër të monitorimit të qarkullimit rrugor dhe sigurisë publike në qytet dhe rrethina.
Në vijim të informacionit paraprak të dhënë për aksidentin e ndodhur në lagjen nr. 4 të qytetit, ku mbeti e plagosur një 79-vjeçare, F. L., policia ka bërë me dije se është arrestuar në flagrancë drejtuesi i automjetit që dyshohet se shkaktoi aksidentin.
Bëhet fjalë për Ramadan Pronjarin, 66 vjeç, banues në Korçë, i cili akuzohet për veprën penale “Shkelja e rregullave të qarkullimit rrugor”.
Ndërkohë, specialistët e Sektorit të Qarkullimit Rrugor kanë arrestuar edhe dy shtetas të tjerë për shkelje të Kodit Rrugor:
• Shpëtim Pilinçi, 54 vjeç, nga Podgoria, i cili u kap duke drejtuar një motomjet pa leje drejtimi;
• Daniel Bajram, 39 vjeç, u ndalua nga policia pasi u konstatua duke drejtuar automjetin nën ndikimin e alkoolit.
Të gjitha materialet procedurale në lidhje me këto raste i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
