Një apel për solidaritet është bërë për Marisa Bramkën, 9-vjeçaren nga fshati Çipan i Devollit, e cila po përballet me një sëmundje të rëndë dhe ka nevojë për trajtim mjekësor.
Për të përballuar shpenzimet e trajtimit, nevojiten 150 mijë euro. Sipas informacioneve të bëra publike nga personat që po ndihmojnë familjen, deri më tani janë mbledhur rreth 60 mijë euro, ndërsa mungojnë edhe 90 mijë euro për të arritur shumën e nevojshme.
Mes personave që po kontribuojnë në këtë nismë është edhe mësuesja e Marisës, Anxhela, e cila po apelon për mbështetjen e vajzës dhe familjes së saj në këtë periudhë të vështirë.
Çdo kontribut, sado i vogël, mund të ndihmojë në përballimin e kostove të trajtimit. Edhe shpërndarja e këtij apeli mund të bëjë që mesazhi të mbërrijë te më shumë njerëz të gatshëm për të ndihmuar.
Për të gjithë ata që kanë mundësi të kontribuojnë, është vënë në dispozicion një fushatë për mbledhjen e fondeve në platformën GoFundMe.
Linku për të ndihmuar Marisën: https://www.gofundme.com/f/help-marisa-receive-cancer-treatment-in-italy
Bashkimi dhe solidariteti i të gjithëve mund të bëhen një mbështetje e çmuar për Marisën në këtë betejë të vështirë.
