K.F. Maliqi ka nisur përgatitjet për sezonin futbollistik 2026–2027, me synimin për të ndërtuar një skuadër konkurruese dhe për të arritur objektivat e vendosura.
Skuadra kuqezi ka ruajtur një pjesë të rëndësishme të kontingjentit, ndërsa ka bërë edhe disa afrime të reja. Në ekip janë bashkuar K. Myslymi nga Sopoti, M. Mertkola dhe O. Spaho nga K.F. Pogradeci në formë huazimi, si dhe J. Samsiano e A. Lukani nga A.F. Elbasani. E. Oliveira vjen nga Butrinti.
Një rikthim i rëndësishëm është ai i J. Qeleshit, i cili pas eksperiencës te Burreli rikthehet te Maliqi. Pjesë e skuadrës do të jetë edhe kolumbiani D. Santiago, i cili pritet të shtojë kreativitetin dhe ritmin në mesfushë.
Me një grup të konsoliduar dhe 10 afrime të reja, K.F. Maliqi synon një sezon sa më pozitiv dhe një paraqitje dinjitoze në kampionatin 2026–2027.
