Çarls Bismark ishte një nga protagonistët e sfidës mes Vllaznisë dhe Skënderbeut, në ndeshjen hapëse të sezonit të ri të Superiores. Sulmuesi i korçarëve u aktivizua në një rol të pazakontë, duke luajtur për një pjesë të ndeshjes si qendërmbrojtës, përpara se të rikthehej në repartin ofensiv.
Bismark u shfaq vendimtar në sulm, duke shënuar golin që i dha Skënderbeut barazimin ndaj Vllaznisë. Pas ndeshjes, ai e komentoi me sportivitet aktivizimin në mbrojtje, duke theksuar se në futboll duhet të jesh i gatshëm për çdo pozicion.
“Sulmi është pozicioni im, isha më mirë kur dola para”, u shpreh Bismark.
Sulmuesi foli edhe për objektivat e Skënderbeut në sezonin e ri. Ai deklaroi se skuadra korçare synon të jetë mes gjashtë ekipeve të para dhe të luftojë për titullin kampion.
“Ne kemi lojtarë të rinj dhe luftojmë që të jemi në gjashtëshen e parë dhe të luftojmë për titullin. Dua të shënoj, duhet të shënoj”, tha Bismark.
