Skënderbeu ka zyrtarizuar prej pak ditësh trajnerin e ri, Julian Ahmataj, por deri tani dihej pak për stafin që do ta shoqërojë në këtë aventurë të re në pankinën korçare.
Së fundmi është mësuar se Ahmataj do të ketë në krahun e tij të djathtë edhe një emër të njohur të futbollit shqiptar, Hetlem Çapja.
Të dy janë ish-futbollistë të njohur nga Elbasan, të cilët tashmë do të kenë një mision të ri dhe mjaft të rëndësishëm: Rikthimin e KF Skënderbeu në nivelet më të larta të futbollit shqiptar dhe ndërtimin e një skuadre konkurruese në Superligë
Me këtë staf të ri teknik, te Skënderbeu shpresojnë për një sezon pozitiv dhe për rikthimin e skuadrës aty ku i takon.
