Futbollistët e KF Skënderbeu dhe trajneri Gjoka janë dhunuar fizikisht nga stafi dhe lojtarët e KF Iliria, pak minuta përpara se skuadra korçare të hynte në dhomat e zhveshjes. Ngjarja e rëndë ka ndodhur pas ndeshjes së sotme, duke krijuar tension dhe situatë të papranueshme për futbollin shqiptar.
Nga klubi bardhekuq reagojnë ashpër, duke theksuar se në këto kushte është e pamundur të zhvillohet futboll normal dhe se ngjarje të tilla e dëmtojnë rëndë imazhin e sportit.
“Ky nuk është futboll. Në Korçë mikpritja është kult, ndaj të njëjtën gjë presim edhe nga ekipet kundërshtare”, thuhet në deklaratën e klubit.
KF Skënderbeu kërkon marrjen e masave të menjëhershme dhe ndëshkimin e përgjegjësve nga institucionet përkatëse.
