Shpërthimi i karburantit në zonën e Brrylit në Tiranë ka rikthyer në vëmendje rëndësinë e mbrojtjes financiare për bizneset që ushtrojnë aktivitete me rrezikshmëri të lartë.
Për pikat e tregtimit të karburanteve, përveç respektimit të detyrimeve ligjore, ekzistojnë edhe disa produkte sigurimi që mund të ndihmojnë në minimizimin e pasojave financiare në rast aksidentesh apo dëmesh të papritura.
Pesë sigurimet kryesore që rekomandohen për këto biznese janë:
- Sigurimi i përgjegjësisë civile ndaj të tretëve,
- Sigurimi i personelit nga aksidentet,
- Sigurimi i pronës së biznesit,
- Sigurimi i fitimit të munguar,
- Sigurimi i përgjegjësisë mjedisore.
Sigurimi i detyrueshëm
Sigurimi i përgjegjësisë civile ndaj të tretëve është një nga mbulimet kryesore për subjektet me rrezikshmëri të lartë. Ai mbulon dëmet që mund t’u shkaktohen personave dhe pasurisë së palëve të treta, përfshirë klientët, kalimtarët, këmbësorët dhe subjektet apo pronat në afërsi.
Sipas ligjit nr. 32/2016, operatorët ekonomikë që kanë në pronësi ose administrojnë pajisje dhe instalime nën presion duhet të kenë sigurim të përgjegjësisë civile. Ky sigurim duhet të jetë i vlefshëm gjatë gjithë periudhës së përdorimit të pajisjes apo instalimit dhe synon të mbulojë dëmet që mund t’i shkaktohen jetës, shëndetit, pronës dhe mjedisit.
Pajisjet nën presion përfshijnë pajisje stacionare, enë të thjeshta dhe pajisje transportuese nën presion, me presion të lejuar mbi 0.5 bar.
Në këtë kategori përfshihen edhe pikat e tregtimit të karburanteve. Sipas VKM nr. 268/2024, detyrimi për sigurimin e përgjegjësisë civile përcaktohet edhe në varësi të kapacitetit të depozitave të karburantit.
Katër sigurime vullnetare
Përtej sigurimit të detyrueshëm, bizneset mund të zgjedhin edhe mbulime të tjera për të kufizuar humbjet financiare.
Sigurimi i personelit nga aksidentet mbulon shpenzime mjekësore dhe dëmtime të punonjësve. Në rastet e humbjes së jetës, në varësi të kontratës së sigurimit, dëmshpërblimi mund të arrijë deri në 5 milionë lekë.
Sigurimi i pronës synon të mbulojë dëmet materiale të shkaktuara nga ngjarjet e parashikuara në policën e sigurimit dhe të ndihmojë biznesin të rikthehet më shpejt në aktivitet.
Një tjetër mbulim është sigurimi i fitimit të munguar, i cili kompenson humbjet e të ardhurave që shkaktohen nga ndërprerja e aktivitetit pas një dëmi material. Vlerësimi i kompensimit bëhet mbi bazën e dokumentacionit financiar dhe bilanceve zyrtare të kompanisë.
Ndërsa sigurimi i përgjegjësisë mjedisore synon të mbulojë përgjegjësitë financiare që mund të lindin nga dëmet e shkaktuara ndaj mjedisit.
Sigurimi si mbrojtje dhe investim për biznesin
Paketat e sigurimit nuk shërbejnë vetëm për të përballuar kostot pas një aksidenti. Ato mund të ndihmojnë bizneset të rikthehen më shpejt në aktivitet, të kompensojnë palët e dëmtuara dhe të ruajnë besueshmërinë e tyre.
Në tregun shqiptar, këto produkte ofrohen edhe nga SIGAL INSURANCE GROUP, e cila, sipas të dhënave të autoriteteve mbikëqyrëse në rajon, gjatë shtatë muajve të parë të vitit 2026 ka paguar rreth 27.5 milionë euro dëme në Shqipëri, Kosovë dhe Maqedoninë e Veriut.
Për bizneset e interesuara, ofrohen mundësi për paketa të kombinuara dhe të përshtatura sipas aktivitetit dhe nivelit të riskut, përmes qendrave të shërbimit të kompanisë dhe kanaleve online.
