Me nisjen e sezonit turistik, në Pogradec kanë filluar inspektimet në terren për zbatimin e ligjit mbi hapsirat publike në plazhe dhe për të frenuar çdo abuzim të mundshëm nga subjektet private.
Sfidë mbetet menaxhimi i rojeve nga subjektet private, të cilat janë të detyruara të garantojnë sigurinë e pushuesve në hapësirat që u janë dhënë me kontratë, por që në shumë raste nuk e respektojnë atë.
Enjela Karafili
“kemi patur edhe dy subjekte që kanë tentuar për të dalë pa leje por po procedohet me masa sipas ligjit. Deri tani situata është e qetë. Shumë pak ka plazhe private e më tepër ka plazh publik. Janë vendosur bovat, rojet në plazhet kryesore, vet bashkia ka marre masa, flamurët. Përsëri shikojmë mangësi pasi nuk i gjejme në çdo moment, u është lënë subjekteve detyrë që vrojtuesi të jetë në çdo moment në punë ”
Pushuesit shprehen të kënaqur me kushtet që ofron Pogradeci nga uji i pastër dhe i freskët i liqenit, te pastërtia e mjedisit dhe qetësia karakteristike e qytetit. Për të disatin vit radhazi, bashkia ka vënë në dispozicion plazh publik me çadra falas, si dhe një hapësirë të posaçme për personat me aftësi të kufizuara.
“Jo vetem sivjet por e vjet, ka qenë shumë i pastër siç e sheh. Ka stola lule. Çadrat Jane të bashkisë, nuk te trazon njeri. Uji për të pirë. Roje nuk e di por bovat janë.”
“vij çdo ditë unë bashkë me niperinjte. Siguria c të them, duhen rojet. Nuk ka patur probleme. Nuk shkojmë deri në bova.”
“vij nga Tirana, e bëja plazhin në Durrës por sot po e bëj në Pogradec. Me pëlqen shume. Atje ne Durrës nuk ke cben këtu hidhesh nga ura”
Enjela
“Kemi vendosur urën për personat me aftësi të kufizuar dhe shërbimin falas për këtë kategori.”
Vitin e kaluar Pogradeci mirëpriti më tepër se 400.000 vizitorë, numër rekord ky në krahasim me vitet e mëparshmet
