Myftiu i fundit që shërbeu në Korçë për 12 vite deri sa u mbyllën xhamitë nga komunizmi ishte Hafiz Refik Ajazi po nga Kavaja. Për shkak se komunistët deshën ta përdorin që të dilte dhe të fliste kundër fesë, gjë të cilën Myftiu e pati refuzuar kategorikisht pavarësisht kërcënimeve, komunistët nuk ja falën dhe gjoja e demaskuan duke shkruar kundër tij nëpër gazetat e kohës.
Ironia e fatit sjell që të ripërsëritet historia.
Pasi shërbeva për 10 vite në Korçë dhe disa bij komunistësh u përpoqën që të bënin presion që të më përdornin për qëllimet e tyre (edhe partiake), nuk ju del e keqja dhe kur nuk ja dolën po përpiqen gjoja të më njollosin me shkrime në rrjete sociale tani që mbarova detyrën time në Korçë.
Ashtu si atëherë kur besimtarët e Korçës nuk e humbën respektin për Myftiun Ajazi (kam takuar njerëz që e kanë njohur atë) për shkak të propagandës së komunistëve që shkruanin nëpër kënde dhe gazeta, po kështu edhe besimtarët sot nuk dëgjojnë propagandën e bijve të komunistëve që shkruajnë nëpër rrjete sociale. Ves-selam – shkruan ish myftiu Ledian Cikalleshi
