Skënderbeu po vazhdon me ritëm të lartë lëvizjet në merkaton e verës, duke afruar lojtarë të rinj për sezonin e ardhshëm.
Klubi korçar ka siguruar shërbimet e mbrojtësit francez Amadou Seydi, i cili zotëron edhe pasaportë senegaleze.
Qendërmbrojtësi 28-vjeçar, 1.84 metra i gjatë, vjen pas eksperiencave në Francë me Colomiers, Muret, Sete, Paris 13 dhe Concarneau.
Seydi ka zhvilluar 75 ndeshje në ligën e tretë franceze dhe ka realizuar 1 gol. Ndërkohë, Skënderbeu ka afruar edhe sulmuesin 20-vjeçar Nikola Velichkovski nga Maqedonia e Veriut.
Futbollisti i lindur në Shkup vjen nga Brera Strumica dhe konsiderohet një lojtar me perspektivë. Sipas të dhënave të Transfermarkt, Seydi vlerësohet me 100 mijë euro, ndërsa Velichkovski me 150 mijë euro.
Me këto afrime, Skënderbeu synon të forcojë si mbrojtjen ashtu edhe repartin ofensiv.
