“Nuk e ka falënderuar Allahun ai që nuk i falënderon njerëzit”, kështu na ka mësuar mësuesi i njerëzimit, i Dërguari i Allahut Muhamedi (s.a.s).
Falë mbështetjes së shoqatës “Udha e Besimtarëve”, Myftinia e Pogradecit u bë pjesë e gëzimit të 30 familjeve në nevojë, duke i pajisur ato me soba druri në prag të ditëve të ftohta të dimrit që po afrojnë.
Allahu i Madhëruar i shpërbleftë të gjithë kontribuesit për këtë vepër fisnike, si dhe imamët tanë të nderuar, të cilët ndanë me familjet përfituese jo vetëm ndihmën materiale, por edhe vëllazërinë, fjalën e mirë dhe solidaritetin njerëzor, duke e dyfishuar ngrohtësinë dhe gëzimin e kësaj dite.
Një veprimtari që na kujton se kur zemrat bashkohen për të mirën e tjetrit, askush nuk mbetet vetëm.
