Ky është Jorgo Braholli, fermer dhe agro-përpunues potencial në fshatin Dvoran të Korçës. Siç pohon ai, ky vit ka qenë i vështirë për kultivuesit e mollës, pasi kushtet atmosferike në pranverë sollën prodhim më të pakët. Por, nga ana tjetër, çmimi i mollës ka arritur deri në 80 lekë për kilogram, çka kompenson prodhimin e ulët por rëndon xhepat e konsumatorëve
“Direkt nga parcela është rreth 8 qind lek te vjetra për kg. Çmim rekord të shitur nga fermerët për tregun e shumicës. Në pranverë goditi bujqësinë, temperaturat e ulëta, shumë varietete nuk kanë prodhim këtë vit. Kemi një problem, tregu do I marrë me çmim të lartë e do preket xhepi i konsumatorit ”
Arben Likollari është një tjetër fermer potencial në Dvoran, i njohur për kultivimin e mollës. Ai gjithashtu pranon se prodhimi këtë vit është i pakët, por thekson se çmimi i lartë lidhet edhe me cilësinë më të mirë të frutit krahasuar me një vit më parë
“Është një vit i vështirë për kushtet klimaterike si dhe ngricat në pranverë megjithatë ne kemi arritur të nxjerrim prodhim cilësor e të mirë. Tregtarët atë pakicë marrin cilësinë super”
Në qarkun e Korçës çdo vit prodhohen nga 80 deri në 120 mijë tonë mollë. Nga kjo sasi, rreth 28 për qind ruhen në kushte frigoriferike, duke siguruar furnizimin e tregut edhe për muajt në vijim.
