Deklaratë për rrjetet sociale – Kryetar Forumi Rinor PD Korçë
Të dashur qytetarë, demokratë dhe të rinj të angazhuar në politikë,
Si kryetar i Forumit Rinor të Partisë Demokratike në Korçë, ende në detyrë, ndiej detyrimin moral dhe politik të shpreh publikisht shqetësimin tim të thellë për vendimet e fundit të Kryesisë së PDSH.
1. Vendimi për të hyrë në Parlament, ndërkohë që vetë partia nuk njeh zgjedhjet, është një kontradiktë që dëmton thelbësisht kauzën opozitare. Nuk mund të jesh brenda dhe jashtë sistemit në të njëjtën kohë – kjo vetëm shton konfuzionin dhe humb besimin e qytetarëve.
2. Protestat që nisin pa një plan të qartë, pa finalizim dhe objektiv të qartë politik, janë thjesht zhurmë dhe konsum energjie për të rinjtë që vërtet besojnë në ndryshim. Nuk duhet të mashtrojmë më veten dhe ata që na ndjekin me iluzione boshe.
3. E vërteta është se Edi Rama NUK është shkaktari i vetëm i humbjes së Partisë Demokratike. Humbja është pasojë direkte e vendimeve të gabuara të lidershipit aktual, mungesës së transparencës, mungesës së bashkimit dhe mbylljes ndaj zërave kritikë brenda partisë.Partia Demokratike ka nevojë për *pastrim, reflektim dhe rilindje të brendshme*, jo për justifikime dhe marrëveshje të fshehta që nuk përfaqësojnë interesin e demokratëve të vërtetë.
#PD #ForumRinor #ZëriIRinisë #JoMashtrimit
Në shërbim të së vërtetës,
Klaudio Braimllari
Kryetar i Forumit Rinor PD, Korçë
