DVP Korçë vijon kontrollet intensive në të gjithë territorin e qarkut, me qëllim evidentimin dhe goditjen e veprimtarisë së paligjshme të lojërave të fatit.
Në kuadër të operacionit policor të koduar “Qarku”, janë goditur 4 raste të tjera, ndërsa janë proceduar penalisht 4 shtetas në Korçë dhe Pogradec.
Korçë – 3 shtetas procedohen për faqe bastesh në celularë
Shërbimet e Komisariatit të Policisë Korçë kanë referuar materialet në Prokurori për shtetasit:
- J. A.
- P. A.
- Th. B.
Të tre banues në Korçë, pasi gjatë kontrolleve në lokalet ku ndodheshin, në celularët e tyre u konstatuan faqe për baste sportive.
Pogradec – Procedohet një 28-vjeçar
Komisariati i Policisë Pogradec ka nisur procedimin penal për shtetasin:
- R. Gj., 28 vjeç, banues në Pogradec, pasi në celularin e tij, gjatë kontrollit në një lokal, u gjetën faqe për baste sportive.
Sekuestrohen 4 celularë
Në cilësinë e provës materiale janë sekuestruar 4 aparate celularë, të cilët dyshohet se përdoreshin për veprimtari të paligjshme të lojërave të fatit.
Materialet procedurale i janë referuar Prokurorisë së Korçës për veprime të mëtejshme.
