I është dhënë lamtumira e fundit aktorit të njohur Koço Qendro. Në ceremoninë mortore morën pjesë familjarë, miq, kolegë, përfaqësues të institucioneve dhe qytetarë, të cilët i bënë nderimet e fundit artistit.
Koço Qendro u vlerësua si një nga emrat më të spikatur të teatrit, estradës dhe kinematografisë shqiptare, me një karrierë artistike që u shtri për më shumë se gjashtë dekada.
Gjatë ceremonisë, kolegë dhe bashkëpunëtorë ndanë kujtime dhe vlerësime për figurën e tij, duke kujtuar kontributin e çmuar në skenë dhe në ekran. Mes tyre folën drejtoresha e Qendrës së Artit dhe Kulturës, Zamira Kita, aktori Andrea Pepi dhe drejtoresha e Qendrës së Kulturës dhe Inovacionit, Blerta Belliu.
Me ndarjen nga jeta të Koço Qendros mbyllet rrugëtimi i një artisti që i kushtoi jetën artit shqiptar, ndërsa veprimtaria dhe rolet e tij do të mbeten pjesë e trashëgimisë së teatrit dhe kinematografisë shqiptare.
