Mbrëmjen e djeshme, në emisionin “Rubrika Sportive”, mungoi moderatorja Hygerta Sako, ndërsa programi u drejtua nga Kristo Thoma.
Kjo mungesë e papritur u vu menjëherë re nga ndjekësit, të cilët ngritën pikëpyetje në rrjet lidhur me arsyen e largimit të saj.
Mësohet se arsyeja e largimit të Hygertës nga ekrani lidhet me faktin se ajo pritet të bëhet pjesë e formatit “Big Brother VIP Kosova 4”, si banore.
Gjithashtu, burimet bëjnë me dije se që prej ditës së shtunë, moderatorja është izoluar në hotel, një procedurë standarde që zbatohet përpara hyrjes së konkurrentëve në format. Hyrja e saj në shtëpinë e Big Brother pritet të bëhet sot, gjatë transmetimit live.
