Goditje për Skënderbeun, Santiel Kamenica zbarkon në Tiranë!
Skënderbeu nis sezonin me një humbje të rëndë në formacion. Santiel Kamenica, 21-vjeçari i talentuar që ka qenë një nga pikat më të forta të ekipit korçar, ka vendosur të transferohet te Tirana. Largimi i tij hap një boshllëk të madh në pozicionin katër, i cili do të jetë sfidë e vërtetë për trajnerin Arben Prifti.
Mister mbetet ende e ardhmja e Barçit, një tjetër volejbolliste korçare, ndërsa lajmi i mirë për tifozët bardhekuq është se Vreshtilla do të vazhdojë të mbajë veshur fanellën e Skënderbeut.
Sezonin e kaluar, Prifti tregoi se me buxhet të kufizuar, por me pasion dhe punë të palodhur, mund të arrihen majat — duke mbyllur kampionatin si nënkampion dhe duke luajtur finalen e Kupës së Shqipërisë. Edhe këtë vit, objektivat nuk ndryshojnë: Skënderbeu kërkon titullin!
