Akademia e Skënderbeut është duke rritur një xhevahir! Fidel Korçari, një emër po bie në sy në çdo ndeshje që kalon. Me aftësi teknike të shkëlqyera, shpejtësi dhe vizion loje të jashtëzakonshëm, ai po tregon se është një talent i vërtetë i futbollit shqiptar.
Që në ndeshjet e para, Fideli ka treguar se nuk ka frikë të marrë iniciativën, duke krijuar raste shënimi dhe duke dhuruar momente magjike për skuadrën e tij. Për trajnerët dhe tifozët e Skënderbeut, ai është një shpresë për të ardhmen e klubit, një lojtar që mund të bëhet lider në fushë dhe shembull për shokët e skuadrës.
Këtë gjë talenti 18-vjeçar e dëshmoi dhe në duelin ndaj Inter D’Eskaldes, në aventurën Europiane, ku “Ujqërit e Dëborës” triumfuan me rezultatin historik 10 me 0, ku plot 4 gola i shënoi bomberi Korçari.
Çfarë e bën Fidelin kaq të veçantë? Përveç aftësive teknike, ai ka një mentalitet fitues dhe një përkushtim të jashtëzakonshëm në stërvitje.
Kombinimi i talentit natyror dhe disiplinës e bën atë një futbollist që ka të gjitha mundësitë për të arritur nivele të larta, jo vetëm në futbollin e moshave, por edhe në elitën e futbollit shqiptar dhe më gjerë.
Nëse vazhdon kështu, emri i Fidel Korçarit do të jetë i pranishëm shumë herë në titujt kryesorë, duke treguar se Skënderbeu po rrit jo vetëm lojtarë të mirë, por edhe yje që do të shkëlqejnë në skenën kombëtare dhe ndërkombëtare.
