Lojtarët dhe tifozët e Elbasanit e ngatërrojnë sportin me rrugën! Në një ndeshje miqësore, që duhet të shërbente për test dhe respekt mes skuadrave, gjithçka degjeneron në kaos dhe dhunë brutale ndaj ekipit të Pogradecit.
Pas përfundimit të takimit Elbasani–Pogradeci 2-2, futbollistë të të dyja palëve u përfshinë fillimisht në një përplasje verbale, që brenda pak sekondash u kthye në sherr fizik masiv.
Dhe nuk mbaron me kaq! Persona nga stafi dhe tifozë të Elbasanit u futën në fushë duke goditur futbollistët pogradecarë me grushte dhe madje edhe me goditje në stilin “Kung-fu”. Pamje që turpërojnë sportin shqiptar!
Ky nuk është rasti i parë! Kujtojmë që 3 vite më parë, ekipi i Pogradecit u sulmua sërish në Elbasan, në fushë dhe më pas në rrugë, duke dëshmuar një model të përsëritur dhune dhe arrogancë.
Pritet që FSHF të marrë masa të menjëhershme, pasi dhuna nuk ka vend në futboll! Kjo nuk është mikpritje, nuk është sport… është një shfaqje e shëmtuar që duhet ndëshkuar me forcë!
