Vijojnë kontrollet në të gjithë territorin e qarkut Korçë, për evidentimin dhe goditjen e veprimtarisë së paligjshme të lojërave të fatit.
Në vijim të operacionit policor të koduar “Qarku”, shërbimet e Policisë goditën 3 raste të tjera të kësaj veprimtarie të kundërligjshme.
Si rezultat, u proceduan penalisht 3 shtetas në qytetin e Korçës, ndërsa në cilësinë e provës materiale u sekuestruan 3 aparate celularë.
Shërbimet e Komisariatit të Policisë Korçë referuan materialet në Prokurori, ku nisi procedimi penal për shtetasit V. P., J. T. dhe R. G., banues në Korçë dhe në fshatin Drenovë, Korçë, pasi gjatë kontrollit të celularëve të tyre, në ambientet e lokaleve ku ndodheshin, u konstatuan faqe për baste sportive.
Materialet procedurale iu referuan Prokurorisë së Korçës, për veprime të mëtejshme ligjore.
