Përmirësimi i infrastrukturës krijon mundësi të reja për zhvillimin e atraksioneve turistike dhe nxit turizmin familjar, të paktë kështu ka rezultuar vitet e fundit me investimet që bëhen nga shteti dhe i hapin kështu rrugën e mundësive investimeve familjare në funksion të turizmit. Në fakt ajo që gjithmonë është folur në media si mundësi shumë e mirë punësimi dhe sigurimi të ardhurash është duke u bërë realitet në shumë zona të juglindjes. E tillë është edhe sipërmarrja e familjes Meraja në Koshnicë të Devollit.
Bujtina Meraja është një atraksion turistik dhe një vlerë e shtuar për Koshnicën, pasi i jep mundësinë çdo vizitori vendas dhe të huaj të njihet me fshatin, atraksionet e tij dhe mbi të gjitha të njihet me kulinarinë tradicionale të zonës.
E vendosur në një pozicion mjaft të mirë gjeografik, pronarët e saj janë kujdesur që gjithçka brenda bujtinës të sjellë copëza të fshatit, që nga punimet e gurit, arredimi, oxhaku, vendet e pushimit etj.
Të qëndrosh në Bujtinën Meraja është njësos sikur të provosh jetën në fshat, pak a shumë ti arrin të njohësh përditshmërinë e zonës.
Është vend ideal për pushime të freskëta në verë dhe fantastik për pushime dimërore pasi dëbora qëndron gjatë muajve të dimrit.
Në drejtimin e kuzhinës do gjesh gjithçka të zonës gatimet e brumërave, mishit deri tek pijet që përgatiten në mënyrë artizanale nga zonjat e fshatit.
Brenda bujtinës do të kesh mundësinë të njihesh me historin e zonës dhe gjithçka tjetër.
Është një vend ku do të gjesh qetësi, bukuri natyrore, gatime që të lëpish gishtat dhe mbi të gjitha mikpritje.
Kolibri.al e ua sugjeron qëndrimin në këtë zonë, pasi të keni provuar gjithçka thamë më lart do të arrini të plotësoni pazëllin e çdo kërkese tuajën për pushimet e fundjavës.
