Strukturat e Policisë në Qarkun Korçë kanë referuar dy raste në Prokurori, për vepra të ndryshme penale.
Specialistët për Hetimin e Krimeve të DVKM Korçë referuan materialet në Prokurori, ku nisi procedimi penal për veprën “Kalimi i paligjshëm i kufirit shtetëror”, ndaj shtetasit M. D., 32 vjeç, banues në fshatin Nartë, Gramsh, pasi dyshohet se ka kaluar ilegalisht në Greqi.
Ndërkohë, Specialistët për Hetimin e Krimeve të Komisariatit të Policisë Maliq referuan materialet në Prokurori për shtetasin M. Sh., 35 vjeç, banues në fshatin Çërravë, Pogradec, për veprën penale “Prerja e paligjshme e pyjeve”. Ai u kap në aksin rrugor “Korçë–Pogradec”, duke transportuar me kamionçinë dru zjarri pa dokumentacionin përkatës. Sasia e druve dhe automjeti u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
