Ajo që qarkullonte nën zë, duket se është konfirmuar nga ky email që po qarkullon në rrjetet sociale.
Bëhet fjalë për një përgjigje nga UEFA, e cila konfirmon se Skënderbeu mund të marr pjesë në një kompeticion europian, duke filluar vetëm që nga sezoni 2028-2029, në rast se arrin të kapë një vend për në kupat e Europës.
10 vite kalendarike si dënim kanë filluar që prej vitit 2018, kur Skënderbeu u shpall për herë të fundit kampion, si dhe atë sezon ka qenë dhe pjesë e grupeve të Europa League.
Duket se kjo është dhe arsyeja kryesore pse presidenti Ardjan Takaj nuk po investon këtë vit tek Skënderbeu me lojtarë të afirmuar dhe cilësore, por do të synohen sërish talente të reja.
Vetë Takaj në një një intervistë të dhënë në fund të sezonit të shkuar konfirmoi se këtë sezon që vjen synimi është evidentimi i lojtarëve që do t’i shërbejnë Skënderbeu në sezonet pasardhëse ku do të synohet titulli kampion.
Edhe pse nuk e tha drejtpërdrejt, e la të nënkuptohet se objektivi edhe për këtë sezon do të jetë qëndrimi në Kategorinë Superiore, evidentimi i sa më shumë lojtarëve cilësore, që më pas të ketë një bosht ku të hidhen themelet e Skënderbeut që do të synojë Kupat e Europës dhe tiullin kampion.
