Turizmi, motori kryesor i zhvillimit ekonomik
Turizmi po kthehet në motorin kryesor të ekonomisë në qarkun e Korçës. Sot është çelur sezoni turistik në Pogradec, Maliq dhe Pustec, 3 destinacione kryesore të turistëve vendas e të huaj.
Turizmi liqenor i Pogradecit, me fshatrat turistik të Linit e Tushemishtit, turizmi i gjelbër në Kolanec dhe Pyllin e Fazanëve në Maliq e turizmi kulturor dhe multietnik i Pustecit mirëpresin kete verë me mijëra turistë të cilët nga viti në vit janë më të shumtë.
Paketës turistike i bashkohet Korça me turizmin elitar, turizmin e fshatrave turistike të Voskopojës e Dardhës, muzetë e shumtë në qytet e nga ana tjetër Kolonja me Rehovën, Shelegurin e Leskovikun e per të mos lënë mënjanë Devollin me Sincën e Arrzën, turistët tanimë nuk kalojnë “shkarazi” në juglindje por netët e qëndrimit janë më shumë se kurdoherë!
