Ilia nga Kosturi ka zgjedhur Korçën për të investuar në turizëm dhe transport, duke sjellë një frymë të re për udhëtarët e juglindjes. “Banbus Tours” është agjencia më e re turistike që pritet të nisë së shpejti aktivitetin në qytetin e Korçës, duke ofruar udhëtime komode dhe të organizuara drejt disa prej destinacioneve më të preferuara në rajon dhe më gjerë.
Me një vizion modern dhe fokus tek cilësia e shërbimit, “Banbus Tours” do të lidhë Korçën me destinacione si Kosturi, Katerini, Selaniku, Stambolli, Prishtina dhe Prizreni. Agjencia synon të krijojë mundësi më të lehta udhëtimi për qytetarët, turistët dhe bizneset, duke ofruar linja të rregullta, komoditet dhe siguri gjatë çdo udhëtimi.
Një nga pikat më të forta të kësaj iniciative janë çmimet konkurruese dhe ofertat e favorshme për udhëtarët. Sipas përfaqësuesve të agjencisë, synimi është që çdo qytetar të ketë mundësi të udhëtojë me standarde të mira, pa pasur nevojë të paguajë kosto të larta.
Përveç transportit, “Banbus Tours” pritet të sjellë edhe paketa turistike dhe organizime të ndryshme për grupe, familje dhe turistë të huaj.
Investimi i Ilias nga Kosturi konsiderohet një tjetër sinjal pozitiv për zhvillimin e turizmit dhe biznesit në Korçë.
Hapja e një agjencie të re turistike jo vetëm që rrit alternativat për udhëtarët, por edhe forcon lidhjet mes Shqipërisë, Greqisë, Kosovës dhe Turqisë, duke e kthyer Korçën në një pikë gjithnjë e më të rëndësishme për lëvizjen dhe turizmin në rajon.
