Një aksident rrugor me dy të plagosur është regjistruar në aksin Pogradec–Korçë, në zonën e Qafë Plloçës.
Dy automjete janë përplasur me njëri-tjetrin, duke shkaktuar plagosjen e drejtuesit të njërit prej mjeteve dhe të një fëmije që udhëtonte me të.
Të plagosurit janë transportuar me urgjencë në Spitalin e Pogradecit, ku po marrin ndihmën mjekësore. Burime spitalore bëjnë me dije se ndodhen jashtë rrezikut për jetën.
Në vendngjarje kanë mbërritur shërbimet e Policisë dhe grupi hetimor, të cilët po punojnë për të zbardhur shkaqet dhe rrethanat e aksidentit.
