Skënderbeu vijon përgatitjet për sezonin e ri, ndërsa në provë me skuadrën bardhekuqe është edhe mbrojtësi 23-vjeçar Reild Kurti, i cili synon të bindë trajnerin Ahmataj për të siguruar një vend në ekip.
Kurti ndodhet prej disa ditësh në dispozicion të stafit teknik dhe u aktivizua në pjesën e dytë të ndeshjes miqësore ndaj Besës, sfidë e fituar nga Skënderbeu me rezultatin 2-1. Paraqitja në testet miqësore do të jetë vendimtare për të ardhmen e tij te skuadra korçare.
Mbrojtësi numëron 77 ndeshje në Kategorinë e Parë me fanellat e Korabit dhe Besës, si edhe pesë paraqitje në Kategorinë Superiore me Teutën. Vendimi përfundimtar për aktivizimin e tij në sezonin e ri pritet të merret pas miqësoreve të radhës të Skënderbeut.
