Klubi i Volejbollit të Femrave Pogradec ka zyrtarizuar vazhdimin e bashkëpunimit me volejbollisten nga Kosova, Edona Kalludra, edhe për sezonin sportiv 2026–2027.
Qendërlojtarja do të veshë për të tretin sezon radhazi fanellën e ekipit liqenor, duke konfirmuar besimin e ndërsjellë mes palëve.
Fillimisht u mendua se Kalludra do ta vazhdonte karrierën në kampionatin e Kosovës, por oferta e ardhur nga Pogradeci ka bindur volejbollisten të qëndrojë edhe këtë sezon nën drejtimin e trajnerit Besnik Lisha.
Pogradeci po ndërton një skuadër konkurruese me objektiva të qarta për sezonin e ri. Ekipi synon të fitojë të gjithë trofetë e organizuar nga Federata Shqiptare e Volejbollit, me prioritet titullin kampion dhe Kupën e Republikës.
Rikonfirmimi i Edona Kalludrës konsiderohet një tjetër lëvizje e rëndësishme për skuadrën pogradecare, e cila synon të mbetet në elitën e volejbollit shqiptar dhe të luftojë për çdo trofe.
