Ish-zëvendësministrja Silda Anagnosti Çepe ka reaguar ashpër ndaj një deklarate të bërë nga Edmond Spaho, për debatin e ngritur ditët e fundit mbi dialektin gegë që deputetja socialiste Marjana Koçeku flet në Parlament.
Edmond Spaho e quante deputeten “fyçkë” dhe e përbuzte në shkrimin e tij për origjinën e saj, duke shtuar se nëse “do të kulloste dhitë, nuk do i interesonte askujt”, për për aq kohë sa është në Kuvendin e Shqipërisë duhet të flasë gjuhën standarde.
Mirëpo, gjuha e rëndë që ish-deputeti demokrat ka përdorur, ka nervozuar ish-diplomaten Silda Anagnosti Çepe, e cila thotë se Edond Spaho vetë nuk di ta shkruajë saktë gjuhën shqipe.
“… robo, mesoje ta shkruash e ta flasesh sakte shqipen standarde njehere vete, pastaj dil e shaj e ofendo me lloj lloj fjalesh nje vajze te re qe ne parlament perfaqeson nje krahine te tere. Deri ne kater gabime ne nje fjali ke bere, na shpove syte”, shkruan ajo.
Ish-zëvendësministrja e Jashtme thotë se është dakord me debatin publik që është ngritur ditët e fundit, për përdorimin e dialektit gegë në Parlament apo në institucione të tjera publike, por më parë duhen sqaruar disa çështje të tjera, që ajo i rendit si më poshtë:
“E para, pse trajtohet kjo si tradheti kombetare? Ne dialektet perkatese flasin ne parlament edhe ata nga Vlora, Lushnja, Korça e askush nuk u kerkon te flasin gjuhen standarde
E dyta, kaq e veshtire qenka per keta “standardet” te kuptojne gegnishten? Se jam e sigurt qe Fishten e valevisin ngado si flamur parade, gjoja e kane poet te preferuar. Njerez mendjembyllur!”
Në fund, Silda Anagnosti Çepe e përmbyll reagimin e saj ndaj ish-deputetit Edmond Spaho me pyetjen: po turp nuk ke qe ofendon nje grua?
