Shërbimet e Policia e Shtetit në qarkun e Korçës kanë vijuar kontrollet dhe veprimet procedurale për raste të ndryshme, duke çuar në një arrestim dhe disa procedime penale.
Specialistët e Sektorit të Qarkullimit Rrugor arrestuan në flagrancë shtetasin E. M., 31 vjeç, banues në Korçë, pasi u kap nga shërbimet e Forcave të Posaçme “Shqiponjat” në lagjen nr. 16, duke drejtuar motomjetin në gjendje të dehur.
Ndërkohë, specialistët për Hetimin e Krimeve të Komisariatit të Policisë Pogradec referuan materialet në Prokurori për dy raste. Për shtetasen A. L., 53 vjeçe, banuese në Pogradec, nisi procedimi penal pasi në fshatin Gështenjas u konstatua duke kryer punime ndërtimi pa leje. Po ashtu, për shtetasin Xh. S., 49 vjeç, banues në Pogradec, nisi procedimi pasi dyshohet se ka pushtuar një sipërfaqe toke në pronësi të vëllait të tij.
Procedim penal u regjistrua edhe nga Komisariati i Policisë Maliq për shtetasin F. A., 40 vjeç, banues në fshatin Vloçisht, i cili dyshohet se ka pushtuar një sipërfaqe toke në pronësi të një shtetaseje.
Në një tjetër rast, më datë 03.04.2026, në spitalin e Korçë u paraqit për mjekim shtetasi V. Q., 66 vjeç, banues në Maliq, i cili gjatë pastrimit të punishtes së tij është dëmtuar aksidentalisht në dorë me një disk prerës. Pas ndihmës së parë, ai u dërgua për trajtim më të specializuar në Tiranë, jashtë rrezikut për jetën.
Po në datën 03.04.2026, në lagjen nr. 6, në Korçë, një 60-vjeçar është gjetur pa shenja jete në banesë. Nga veprimet e para hetimore dyshohet se vdekja ka ardhur për shkaqe natyrale.
Materialet procedurale i janë referuar Prokurorisë së Korçë për veprime të mëtejshme.
