Specialistët për Hetimin e Narkotikëve të DVP Korçë vunë në pranga shtetasin E. B., 38 vjeç, banues në Korçë, të cilin Gjykata e Apelit e Juridiksionit të Përgjithshëm Tiranë e ka dënuar me 1 vit e 10 muaj burgim për veprën penale “Prodhimi dhe shitja e narkotikëve”.
Ndërkohë, specialistët për Hetimin e Krimeve të Komisariatit të Policisë Maliq referuan materialet në Prokurori, ku nisi procedimi penal për shtetasin M. R., 21 vjeç, banues në Korçë, pasi dyshohet se ka ushtruar dhunë psikologjike ndaj bashkëjetueses së tij, e cila u pajis me urdhër mbrojtjeje.
Po ashtu, specialistët për Hetimin e Krimeve të Komisariatit të Policisë Korçë referuan materialet në Prokurori për shtetasin E. Z., 41 vjeç, banues në fshatin Goskovë, i cili dyshohet se më 15.02.2026 ka tentuar të vjedhë në arkën e një objekti kulti në fshat.
Në vijim, specialistët për Hetimin e Krimeve të Komisariatit të Policisë Devoll referuan materialet në Prokurori për shtetasit B. M., 36 vjeç, banues në fshatin Koshnicë dhe K. B., 62 vjeç, banues në fshatin Poloskë, për veprën penale “Prerja e paligjshme e pyjeve”. Ata u kapën në aksin rrugor “Miras-Bilisht”, duke transportuar me automjetet e tyre dru për zjarr pa dokumentacionin përkatës. Sasia e druve dhe dy automjetet u sekuestruan në cilësinë e provës materiale.
Materialet procedurale i kaluan Prokurorisë pranë Gjykata e Shkallës së Parë e Juridiksionit të Përgjithshëm Korçë, për veprime të mëtejshme.
