Specialistët për Hetimin e Narkotikëve referuan materialet në Prokurori, ku filloi procedimi penal për shtetasin S. M., 21 vjeç, banues në fshatin Voskop, Korçë. Ky shtetas u konstatua nga shërbimet e DVKM Korçë në fshatin Qatrom, gjatë kontrollit fizik, ku iu gjet një sasi e vogël lënde e dyshuar narkotike Cannabis Sativa, e cila u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin A. A., 43 vjeç, banues në fshatin Kamenicë, Korçë, për veprën penale “Mashtrimi”. Nga hetimet dyshohet se në muajin nëntor 2025, ky shtetas i ka blerë një automjet shtetasit E. B., duke e mashtruar për pagesën.
Gjithashtu, Specialistët për Hetimin e Krimeve të Komisariatit të Policisë Pogradec referuan materialet në Prokurori dhe shpallën në kërkim shtetasen M. D., 36 vjeçe, banuese në fshatin Rëmbec, Maliq, pasi dyshohet se ka vjedhur një shumë parash në një hotel në qytetin e Pogradecit. Punohet për kapjen e saj.
Ndërkohë, më datë 02.02.2025, në fshatin Voskopojë, Korçë, është konstatuar një konflikt verbal mes një 16-vjeçari dhe një 14-vjeçareje, për shkak të një debati të nisur në rrjetet sociale. Rasti është trajtuar në prani të punonjësve socialë, psikologut dhe avokatëve, ndërsa materialet i kaluan Prokurorisë për vlerësim të mëtejshëm.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
