Drejtoria Vendore e Policisë Korçë ka zhvilluar një sërë veprimesh policore, që kanë çuar në arrestime në flagrancë dhe procedime penale për disa shtetas, për vepra të ndryshme penale.
Shërbimet e Sektorit të Qarkullimit Rrugor arrestuan në flagrancë shtetasin B. K., 40 vjeç, banues në fshatin Qerret, Gramsh, pasi u kap duke drejtuar automjetin në gjendje të dehur.
Nga ana tjetër, shërbimet e Komisariatit të Policisë Korçë arrestuan në flagrancë shtetasit S. Z., 58 vjeç dhe V. Z., 65 vjeç, banues në Korçë (vëllezër), pasi dyshohet se kanë ushtruar dhunë fizike ndaj njëri-tjetrit. Gjithashtu, shtetasi S. Z. dyshohet se ka dhunuar fizikisht edhe kunatën e tij, bashkëshorten e V. Z., e cila u pajis me urdhër mbrojtjeje.
Po ashtu, u referuan materialet në Prokurori dhe nisi procedimi penal për shtetasit A. B., 24 vjeç; S. T., 21 vjeç; J. Z., 19 vjeç dhe R. R., 21 vjeç, banues në Korçë, pasi në lagjen nr. 1 janë konfliktuar fizikisht me njëri-tjetrin për motive të dobëta, duke bllokuar qarkullimin rrugor dhe prishur qetësinë publike.
Specialistët e Seksionit për Hetimin e Narkotikëve referuan materialet në Prokurori për shtetasin E. L., 44 vjeç, banues në Korçë, pasi gjatë kontrollit fizik iu gjet një sasi e vogël lënde e dyshuar narkotike kokainë dhe një mjet prerës (thikë), të cilat u sekuestruan si prova materiale.
Ndërkohë, shërbimet e Komisariatit të Policisë Pogradec referuan materialet në Prokurori dhe nisën procedimin penal për shtetasen A. M., 34 vjeçe, banuese në Pogradec, për veprën penale “Dëmtime të tjera me dashje”, pasi dyshohet se ka goditur fizikisht shtetasin G. B., për motive të dobëta, në lagjen nr. 4.
Materialet procedurale iu referuan Prokurorisë së Korçës për veprime të mëtejshme.
Pogradec – Në orët e para të mëngjesit të sotëm, në lagjen nr. 2, Pogradec, ka rënë zjarr në automjetin e shtetasit A. M., i cili ishte i parkuar. Grupi hetimor po punon për sqarimin e rrethanave të ngjarjes dhe përcaktimin e shkakut të zjarrit.
