Pas njoftimit për një situatë të ndodhur në Trebinjë të Pogradecit, ku një ari i murrmë kishte rënë në kurth, Agjencia Kombëtare e Zonave të Mbrojtura, në bashkëpunim me AdZM Korçë, Qendrën AWRT, stafin e Kopshtit Zoologjik Tiranë dhe PPNEA, organizuan një operacion të shpejtë shpëtimi.
Ariu tashmë është i liruar dhe ndodhet në gjendje të mirë shëndetësore. Ai u pajis gjithashtu me një GPS në qafë për të monitoruar lëvizjet e tij në vijim.
Duke marrë shkas nga ky rast dhe nga humbja e një ariu pak ditë më parë, institucionet u bëjnë thirrje banorëve, turistëve dhe autoriteteve lokale të njoftojnë menjëherë në rast se hasin situata të ngjashme ose kafshë të egra në nevojë.
Strukturat përgjegjëse falenderojnë të gjitha ekipet që kontribuan në ndërhyrje, përfshirë Policinë e Shtetit, Kopshtin Zoologjik të Tiranës, PPNEA dhe Qendrën AWRT.
